Saturday 8 November 2014

Mapacha washirikiana hadi Mume

Pacha waliozaliwa kwa kupishana dakika moja, wanashirikiana kila kitu maishani. Maisha ya kawaida, gari, akaunti ya facebook, benki, mshahara, kazi hata rafiki wa kiume, yote hayo wanafanya kwa kushirikiana.
Mabinti hao raia wa Australia, Anna na Lucy DeCinque (28), pia wanatumia kiasi kikubwa cha pesa kufanya upasuaji wa kuondoa kitu chochote kitakachowafanya wasifanane.
Wamefanya upasuaji wa kuongeza matiti katika kiwango kimoja ufanano wao ubaki kama ulivyo, wametengeneza midomo, kope za kwenye macho na mambo mengine mengi ya kulinda namna wanavyotaka kufanana.
Matumizi yao ya kukarabati mwili yamewagharimu kiasi cha Dola za Kimarekani 217,430 (Sh365.6 milioni).
Ni nadra sana pacha hawa kutembea kila mtu kwa wakati wake, muda wote wanakuwa pamoja, wanalala muda mmoja, wanatumia gari moja na kitanda kimoja pia.
Pacha hawa wanaoishi katika mji wa Perth, Mashariki nchi ya Australia, bado wanaishi na mama yao anayeshuhudia namna mabinti zake wanavyopatana.
Ingawa kila mmoja ana utashi na vitu anavyopenda maishani, lakini wamechagua kuwa na rafiki wa kiume mmoja anayetoka nao wote kwa pamoja na wakati mmoja.
Anna na Lucy, wanaamini kuwa na rafiki mmoja wa kiume kunasaidia kujenga uhusiano wenye furaha tofauti kama kila mmoja angekuwa na mtu wake kama ilivyo kwa pacha wengi.
Rafiki yao wa sasa wa kiume, Ben Byrne ni fundi umeme anayeishi katika mji wa Perth.
Anna anasema: “Tuna mwanaume mmoja kwa ajili yetu. Katika uhusiano wetu, kuna watu watatu walioamua kufanya jambo moja bila ubaguzi, chuki wala kinyongo.”
Lucy anaongeza: “Ni kama inafurahisha kwetu. Tuna rafiki mmoja wa kiume tunalala naye kitanda kimoja. Kuna vijana wangependa kuwa na marafiki wawili wa kike kama ilivyo kwa Byrne.”
“Tuna ladha na hamu zinazofanana kwa kila kitu, hivyo siyo shida kumpenda mtu mmoja. Tuko pamoja kwa kila kitu, tunashirikiana kwenye mapenzi pamoja, tuko chumbani pamoja kufurahi na rafiki yetu,” anasema Anna.
Mwenzake Lucy anaongeza: “Byrne anafahamu kwamba anapotaka kukutana na sisi, maana yake ni ‘double appointment’. Atakuwa na mimi baadaye anakuwa na mwenzaku muda huohuo, wakati huohuo na chumba hicho hicho.”
Ukaribu wa mabinti hao ambao unawakera wazazi wao, ulianza muda mrefu tangu wakiwa shuleni. Wazazi wao wamejaribu kuwatenganisha bila mafanikio.
Hali ilikuwa mbaya zaidi wakati walipojiingiza kwenye mambo ya sanaa ya urembo na mitindo ya mavazi, kwani ugumu wa kuwatenganisha ulianzia hapo.
Lucy anasema: “Mama yetu amekuwa akijaribu kutushawishi kutengana ili kila mmoja afanye mambo yake, lakini baba siyo sana...yeye atauliza mnafanana nani kati yenu, wewe ni Lucy au Anna.”
Lucy anasema kuwa kama wamechoka kuendelea na rafiki yao wa kiume, wanatoa uamuzi wa pamoja na kutafuta mwingine.
“Kama ikitoke sitaki kuzungumza na Byrne kwenye simu, Anna atachukua simu na kujifanya ni mimi,” anasema Lucy.
Anaongeza: “Hatujawahi kuchoka kuwa pamoja katika maisha yetu, kila siku tuko pamoja na kufanya mambo pamoja.”
Walipofikisha miaka 24, waliamua kufanya upasuaji wa kuongeza matiti, zaidi walishawishika kufanya hivyo baada ya kuvutiwa na umbo la msanii wa vipindi halisi vya televishen, Kim Kardashian.
Kutokana na kushirikiana kila kitu, pia wanafanya kazi moja kwa kushirikiana na cheo walichopewa ni kimoja, hivyo wanalipwa mshahara mmoja siyo miwili.

No comments: