Viongozi wa G7 wakutana Ujerumani kwa siku mbili

Viongozi wa Ujerumani na Marekani wameweka msimamo mkali kwa Urusi hii leo katika mkutano wa siku mbili wa kundi la nchi saba tajiri duniani G7 unaofanyika nchini Ujerumani na uliogubikwa na mgogoro wa Ukraine na Ugiriki. Kansela wa Ujerumani Angela Merkel na rais wa Marekani Barrack Obama wametoa onyo kwa rais wa Urusi Vladimir Putin  kwa kile rais Obama alichosema ni uchokozi inaoufanya nchini Ukraine.  Viongozi hao wamekubaliana kuwa muda wa vikwazo unapaswa kufungamanishwa na Urusi kutekeleza matakwa ya makubaliano ya amani ya Minsk na kuheshimu uhuru wa Ukraine.   Mkutano huo wa G7 unaohudhuriwa pia na viongozi kutoka Uingereza, Canada, Ufaransa, Italia na Japan utazungumzia kwa kina masuala ya uchumi wa dunia, ugaidi, umaskini pamoja na mabadiliko ya tabia nchi