Watali waliopiga picha za uchi kizuizini

Watalii wanne waliojianika uchi nchini Malaysia wazuiwa korokoroni kwa siku tatu na kutozwa faini

Watalii wanne wameripotiwa kutozwa faini kwa kosa la utovu wa nidhamu baada ya kukamatwa wakiwa wamejianika uchi juu ya kilele cha mlima wa Kinabalu nchini Malaysia.
Watalii hao wanne ambao wawili wamebainishwa kuwa raia wa Canada, mmoja wa Uingereza na mwingine mmoja wa Uholanzi, waliwabughudhi wananchi wa Malaysia kwa kujianika uchi juu ya kilele cha mlima Kinabalu.
Kitendo hicho cha utovu wa nidhamu kinaaminika kuudhi mapepo ya mlima Kinabalu na kusababisha maafa ya tetemeko la ardhi lililopelekea vifo vya watu 18 siku ya Ijumaa.
Watalii wote wanne walitakiwa kuchagua kati ya kulipa faini ya fedha dola 1,330 au kufungwa miezi mitatu gerezani iwapo watashindwa kulipa faini hiyo.
Uamuzi huo ulitoalea baada ya watalii hao kufungwa kwa siku tatu tangu siku ya Jumatano. Watalii hao pia wanatarajiwa kutimuliwa kutoka nchini humo.