Arsenal yaweka rekodi kwa kubeba kombe la FA mara 12

Arsenal ilitetea kombe la FA katika fainali ya kombe hilo dhidi ya Aston Villa walipoinyuka mabao 4 kwa nunge

Arsenal iliandikisha rekodi mpya ilipoicharaza Aston Villa kwa mabao 4 kwa bila katika mechi ya fainali ya kombe la FA. Arsenal iliipiku Manchester United kwa kuwa timu ya kwanza kushinda kombe hilo kwa mara ya 12. Arsenal sasa ndiyo timu yenye ufanisi mkubwa zaidi katika kombe la FA.
Mabao ya Arsenal yalifungwa na Theo Walcott katika dakika ya 40 , Alexis Sanchez kupitia mkwaju wa mbali katika dakika ya 50, Per Mertesacker kupitia mkwaju wa kichwa katika dakika ya 62 kabla ya mshambuliaji Olivier Giroud kumalizia katika dakika za lala salama.
Nahodha wa Arsenal Per Mertesacker alisema kuwa kufuatia ushindi wa pili wa FA timu hiyo inapaswa kuwa washindani wakali zaidi kwenye ligi kuu.

Barcelona bingwa mpya Copa del Rey

Nyota wa Barcelona Lionel Messi alifunga bao la kukumbukwa katika fainali waliyowalaza Athletic Bilbao kwa magoli 3 kwa 1.

Lionel Messi aliongoza timu yake ya Barcelona kufikia kombe la Copa del Rey kwa mara ya 27 baada ya kushiriki katika fainali 38. Messi alitangulia kufunga bao la kwanza katika dakika ya 20 baada ya kuwapiga chenga walinzi 4 wa Athletic Bilbao na kufyatua kombora lililomwacha hoi mlinda lango.
Neymar alifunga la pili katika dakika ya 37 baada ya kuandalia lango wazi na Suarez.
Messi alirejea tena na bao la tatu katika dakika ya 74 na kumaliza kazi yake katika fainali hiyo.
Athletic Bilbao walipata bao la kufuta machozi katika dakika ya 80 kupitia mshambuliaji wao Inaki Williams.
Ushirikiano wa Messi, Suarez na Neymar maarufu kama MSN umevunja rekodi ya Ronaldo, Benzema na Higuain ya jumla ya mabao 118 katika msimu mmoja, baada ya kufunga jumla ya mabao 120 kufikia sasa.

Watu 26 wauwawa wakiwa msikitini huko Nigeria

Watu 29 wameuawa katika mji wa Maiduguri

Watu 29 wameuawa kati mji mkuu wa jimbo la Borno Maiduguri Kaskazini Mashariki mwa Nigeria baada ya mlipuaji wa kujitoa mhanga kujilipua ndani ya msikiti.

Kamishna wa polisi katika jimbo la Borno amesema kuwa watu wengine 28 walijeruhiwa kwenye shambulizi hilo.
Shambulizi hilo lilifuatia jaribio la awali la kuuteka ya mji wa Maiduguri lililondeshwa na wanamgambo wa kiislamu wa Boko Haram.
Wanagamabo hao walifyatua makombora kwenye makazi ya watu na kuua takriban watu 13.

Rais Buhari ameapa kukabiliana kikamilifu na wapiganaji wa Boko Haram

Siku ya ijumaa rais mpya wa Nigeria Muhammadu Buhari aliahidi wakati wa kuapishwa kwake kuwa atakabiliana vilivyo na kundi hilo la wapiganaji wa Boko Haram.
Rais Buhari alisema kuwa kituo cha kijeshi kitawekwa katika mji wa Maiduguri kusadia kupigana na wanamgambo hao.
Rais Buhari akihutubia taifa punde baada ya kuapishwa alisema kuwa jeshi la taifa hilo litakita kambi yake katika mji huo wa Maiduguri ilikuitokomeza kabisa kundi hilo la waislamu la Boko Haram.

Wanajeshi wa Nigeria wakielekea Maiduguri

Awali Katika mahojiano maalumu na BBC, kiongozi huyo mstaafu wa jeshi amesema anatarajia kulishinda kundi hilo baada ya dhamira mpya kutoka jeshini na msaada wa nchi jirani.
"Kwa ushirikiano na majirani zetu Cameroon, Chad, Niger na jumuia ya kimataifa na dhamira ambayo tutapata kutoka katika jeshi, Nafikiri itachukua muda mfupi zaidi kukabiliana nao."
Jenerali Buhari amesema tayari ameainisha msingi wa tatizo linalokabili nchi ya Nigeria, lakini amewataka raia wa nchi hiyo kuwa wavumilivu.
"Tumebaini matatizo makubwa matatu.

Wanajeshi wa Nigeria waliwazidi maarifa wapiganaji wa Boko Haram

''Ambayo ni kukosekana kwa usalama nchini, tatizo ambalo kila mmoja analifahamu na lingine ni ukosefu wa ajira, hii ina maana uharibifu wa uchumi ikiwa ni kutokana na vitendo vya rushwa na rushwa yenyewe.
''Matatizo haya matatu makuu, Wanigeria wote wanafahamu na tunaomba ushirikiano wa wananchi wa Nigeria'',
''wasitarajie miujiza kutokea katika kuyapatia ufumbuzi matatizo haya katika kipindi cha miezi michache baada ya kutwaa madaraka kwa sababu uharibifu umechukua miaka mingi,
miaka kumi na sita ya utawala wa chama tawala cha nchi hii." Anasema rais huyo mpya wa Nigeria

Wolfsburg yanyakuwa kombe la Ujerumani kwa mara ya kwanza

Wolfsburg yanyakuwa kombe la Ujerumani na kumsindikiza Jurgen Klopp kwa huzuni.

Haikuwa shangwe na nderemo kwa Jurgen Klopp katika mechi yake ya mwisho kama meneja wa Dortmund alipolazwa kwa mabao 3 kwa 1 na Wolfsburg katika fainali ya kombe la Ujerumani.

Dortmund walitangulia kufunga kupitia mshambuliaji Pierre-Emerick Aubameyang katika dakika ya 5 bali Wolfsburg hawakufa moyo na bidii yao ililipa katika dakika ya 22 pale kiungo Luiz Gustavo aliposawazisha.

Kevin de Bruyne na Bas Dost walifunga mabao ya pili na ya tatu ya Wolfsburg katika dakika ya 33 na 38 mtawalia.

Kipindi cha pili hakikuwa na mihemko kama kipindi cha kwanza na mechi ilisalia 3 - 1 mpaka kupulizwa kwa kipenga cha mwisho na Wolfsburg wakatawazwa mabingwa wa kombe la Ujerumani kwa mara ya kwanza.

Pierre Nkurunziza akataa kuhudhuria kikao kitakachozungumzia nchi yake

Rais Nkurunziza

Msemaji wa rais wa Burundi amesema kuwa rais wa nchi hiyo Pierre Nkurunziza hatahudhuria mkutano wa viongozi wa kikanda ambao utaangazia mzozo ulio nchini mwake.

Msemaji huyo aliliambia shirika moja la habari la Ufaransa kuwa rais Pierre Nkurunziza atakuwa akifanya kampeni ya uchaguzi wa urais na kwamba waziri wa mashauri ya kigeni ndiye atahudhuria mkutano ambao utawajumuisha marais wa Rwanda, Uganda , Tanzania na Kenya mjini Dar es Salaam.
Wakati Nkurunziza alihudhuria mkutano kama huo mpema mwezi huu baadhi ya maafisa wa kijeshi walijaribu kumpindua.
Burundi imekumbwa na ghasia tangu Nkurunziza atangaze kuwa atawania urais kwa muhula wa tatu.
Hapo jana Nia ya rais wa Burundi Pierre Nkurunziza kuwania muhula wa tatu ilipata pigo baada Afisa mmoja tume hiyo ya uchaguzi kuiambia redio moja ya Ufaransa kuwa Spes Caritas Ndironkeye aliabiri ndege ijumaa na haijulikani kama alijiuzulu au la.

Maafisa wa Polisi wanalaumiwa kwa kusababisha vifo vya waandamanji 20

Tume hiyo ya uchaguzi ina maafisa wakuu watano na inaweza kuendelea kuhudumu hata baada ya kuondoka kwa mmoja wao.
Hata hivyo duru zinaelezea kuwa huenda afisa wa pili wa tume hiyo akajiondoa na hivyo kulemaza shughuli za tume hiyo.
Juma lililopita kanisa katoliki nchini Burundi lilijiondoa kutoka kwa harakati zozote za uchaguzi mkuu uliokumbwa na utata siku moja tu kabla ya umoja wa Ulaya kuondoa maafisa wake katika shughuli hizo za uchaguzi.
Umoja wa ulaya ulikuwa umetuma maafisa wa kucimamia na kuhakikisha kuwa uchaguzi huo ni wa huru na haki.
Taarifa hiyo imetokea wakati ikisalia wiki moja tu uchaguzi wa wabunge na madiwani ufanyike nchini humo.

Maandamano dhidi muhula wa tatu wa rais wa Burundi Pierre Nkurunziza yanaendelea kufanyika katika mitaa kadhaa ya mji mkuu Bujumbura

Kanisa katoliki ni kiungo muhimu katika suala la amani na demokrasia nchini Burundi tokea kuanzishwa mazungumzo ya amani ya Arusha mnamo miaka ya tisini.
Haya yamearifiwa wakati maandamano dhidi muhula wa tatu wa rais wa Burundi Pierre Nkurunziza yanaendelea kufanyika katika mitaa kadhaa ya mji mkuu Bujumbura kwa zaidi ya mwezi mmoja sasa.
Makundi ya kutetea haki za binadamu, yanasema kuwa zaidi ya watu 20 wamefariki wakati wa ghasia za maandamano,
Tangu rais Pierre Nkurunziza alipotangaza mwezi uliopita kuwa anapania kuwania tena kiti cha urais kwa muhula wa tatu, kinyume na katiba ya Burundi.
Uchaguzi wa urais umepangiwa kufanyika Juni tarehe tano, huku ule wa urais ukiwa mwishoni mwa mwezi huo wa Juni.

Blatterashind tena Urais Fifa

Blatter akishangilia baada ya kushinda

SEPP BLATTER ameshinda kwa mara ya tano kiti cha Urais wa Shirikisho la soka duniani FIFA baada ya kupata kura 133 dhidi ya 73 za mpinzani wake Prince Ali bin Al-Hussein katika raundi ya kwanza ya uchaguzi mkuu uliomalizika usiku huu mjini Zurich, Uswizi.

Blatter mwenye miaka 79 alipata ushindi katika raundi ya kwanza  na kabla ya kwenda raundi ya pili, Prince Ali alijitoa.

Baada ya kushindwa  katika uchaguzi huo, Prince Ali amesema: “Nashukuru nyote. Imekuwa safari ndefu na ya kushangaza. Asanteni kwa wote mliopnipigia kura”

Changamoto aliyonayo Blatter ni kukabiliana na Skendo ya rushwa ya dola milioni 100 inayowakabili maafisa sita wa ngazi ya juu wa FIFA.

Tanesco imesema kutokea kwa hitilafu ya umeme kumesababisha mikoa ya Tanzania bara kukosa huduma

Shirika la umeme nchini Tanesco limesema kutokea kwa hitilafu ya umeme katika msongo wa kilovoti 30 kumeharibu kifaa cha kukata umeme na kusababisha  mikoa ya Tanzania bara kukosa huduma ya umeme kwa muda.

Akizungumza na waandishi wa habari meneja mahusiano wa Tanesco Bwana Adriani Severini amesema mikoa yote nchini ilikosa huduma ya umeme isipokuwa mikoa ya Mtwara, Kigoma na Lindi ambapo amesema kwa upande wa jiji la Dar es Salaam kuna baadhi ya maeneo yamekosa huduma ya umeme hususani inayotumia umeme wa msongo wa kv 11.

Vijana zaidi ya 85 wenye msfunzo ya kigaidi wajisalimisha Kenya

Serikali ilitoa msamaha kwa wale wote waliojiunga na Al Shabab baada ya kuuawa kwa wanafunzi 150 mjini Garissa

Takriban vijana 85 waliokuwa wamepokea mafunzo yenye itikadi kali wamejisalimisha kwa polisi nchini Kenya.

Vijana hao wamejisalimisha kwa serikali ya Kenya, ili kupokea msamaha uliotelewa kwa wale wote ambao wamepokea mafunzo ya itikadi kali ya kiislamu na kujiunga na kundi la wapiganaji wa Al-Shaabab.
Msemaji wa Serikali imesifu hatua ya vijana hao, akitaja kuwa itachangia pakubwa ukusanyaji wa taarifa za kijasusi.

Awali vijana hao walihofia kujisalimisha kwa hofu kuwa wangetengwa katika jamii na hata kufungwa gerezani.
Maafisa katika wizara ya mambo ya ndani wamesema kuwa vijana hao walikuwa kati ya umri wa mika ishirini na thelathini.
Serikali ya Kenya iliahidi kuwasamehe vijana hao mapema mwezi uliopita, kufuatia uvamizi katika chuo kikuu cha Garissa, ambapo zaidi ya watu 150 waliuawa.
Kundi la wapiganaji wa Kiislamu wa Al Shabaab walikiri kutekeleza shambulizi hilo ambalo limepelekea chuo hicgo kufungwa.

Al Shabaab inaitaka Majeshi ya Kenya yaondolewe Somalia

Kujasalimisha kwa vijana hao kumepiga jeki juhudi za serikali ya Kenya dhidi ya mafunzo ya itikadi kali, yanayochangia hatua ya vijana hao kujiunga na makundi ya kivita kama vile Al Shabab.
Kundi hilo kutoka Somalia linaaminika kuwa na wafuasi nchini Kenya ambapo limetekeleza mashambulizi kadha katika jitihada ya kuilazimisha serikali ya Kenya kuondoa majeshi yake nchini Somalia.
Majeshi ya Kenya ni miongoni mwa kikosi cha kulinda amani cha muungano wa Afrika Amisom ambao wanaisaidia serikali dhaifu ya Somalia kupigana na waasi wa Al Shabaab.

Dk. Magufuli atangaza nia ya Kugombea Urais

WAZIRI wa Ujenzi, Dk. John Magufuli, ametangaza rasmi kugombea urais wa Jamhuri ya Muungano wa Tanzania.
Amesema kwa kuwa Chama Cha Mapinduzi (CCM) kimetangaza rasmi kwa wanachama wake wenye sifa kujitokeza kuwania nafasi hiyo kubwa ya uongozi nchini, ameona hana budi kutangaza rasmi azma yake.
Dk. Magufuli, mmoja wa mawaziri ambao kwa muda mrefu wamehusishwa kwenye kinyang’anyiro cha nafasi hiyo, alisema anaingia kwenye mchuano huo akiwa na sifa zote stahiki za kupiga na kupigiwa kura.
Alitangaza azma yake nje ya ukumbi wa Bunge mjini Dodoma, muda mfupi baada ya kumalizika kipindi cha maswali na majibu bungeni, jana asubuhi.
Baada ya kuulizwa kama ana mpango huo, mara moja alisema: “Swali hili nimeulizwa mara nyingi. Mara zote nimekataa kulijibu kwa sababu chama chetu (CCM) kuna utaratibu wake wa namna ya kuomba nafasi ya uongozi. Muda ulikuwa haujawadia.
“Lakini utakumbuka wiki hii hapa hapa Dodoma, vikao vya juu vya chama chetu vimetoa ratiba kwa wanaotaka kuwania nafasi mbalimbali kujitokeza.
“Kwa maana hiyo sasa niko huru kujibu swali lako kwa kusema rasmi ‘nitagombea urais’. Nafanya hivyo kwa sababu naamini ninazo sifa za kuchagua na kuchaguliwa kama mwanachama wa CCM kwa nafasi yoyote inayojitokeza kulingana na Katiba ya chama chetu na pia Katiba ya nchi,” alisema Dk. Magufuli.
Alisema siku ya kuchukua fomu ataitangaza baadaye pindi akishakamilisha taratibu za namna ya kuanika hadharani mambo anayokusudia kuyatekeleza endapo wana CCM watampa ridhaa ya kupeperusha bendera ya chama hicho.
Kuingia kwake kwenye harakati za kuwania nafasi ya urais kunazidi kuufanya mchuano wa uchaguzi wa nafasi hiyo ndani ya CCM kwa mwaka huu kuwa mkali zaidi.
Dk. Magufuli, amekuwa mbunge tangu mwaka 1995. Baada ya kushinda ubunge mwaka huo, alichaguliwa kuwa Naibu Waziri wa Ujenzi; Wizara iliyokuwa ikiongozwa na Anna Abdallah.
Anajulikana kama kipenzi cha aliyekuwa Rais wa Awamu ya Nne, Benjamin Mkapa, ambaye mara kadhaa hakusita kumsifu hadharani, akimtaja kama mmoja wa ‘askari wa miavuli’ katika baraza lake la mawaziri.
Aidha, uhusiano wake na Mkapa umejidhihirisha hadi kwenye masuala ya kifamilia, ambako mara kadhaa rais huyo mstaafu ameweza kuhudhuria hafla na misiba mbalimbali nyumbani kwa Dk. Magufuli.
Wakati wa Uchaguzi Mkuu wa mwaka 2010, Dk. Magufuli alipewa fursa kwenye Mkutano Mkuu wa CCM kusoma mafanikio ya chama hicho kwenye utekelezaji wa ilani yake upande wa barabara.
Uwezo wake wa kukariri takwimu mbalimbali, ulikuwa kivutio kwenye mkutano huo na sehemu nyingine kama bungeni ambako hutakiwa kueleza mafanikio ya wizara yake.
Hivi karibuni, Rais Mstaafu wa Awamu ya Nne, Ali Hassan Mwinyi, alimsifu kwa kumtaja kama ‘simba wa kazi’ kutokana na uchapaji kazi wake katika wizara mbalimbali ambazo ameziongoza.
Kwa upande wa wananchi, wengi wanamuona Dk. Magufuli kama mmoja wa mawaziri wachapakazi waliowahi kutokea katika historia ya taifa hili.
Hata hivyo, waziri huyo amekuwa akikosolewa kwa uamuzi wake wa uuzaji nyumba za Serikali kwa watumishi na hata wasio watumishi wa umma.
Pamoja na dosari hiyo, watetezi wake wanaamini kilichofanywa wakati huo wa utawala wa awamu ya tatu kilikuwa ni matokeo ya uamuzi wa Baraza la Mawaziri, na si uamuzi wa Dk. Magufuli mwenyewe.
WASIFU WAKE
Dk. John Pombe Joseph Magufuli, alizaliwa Oktoba 29, 1959 wilayani Chato – wakati huo ikiwa Mkoa wa Kagera (sasa Mkoa wa Geita).
Ana Shahada ya Uzamivu ya Kemia (2006 – 2009) kutoka Chuo Kikuu cha Dar es Salaam.
Mwaka 1991 – 1994, alisoma Shahada ya Uzamili (Kemia) katika Chuo Kikuu cha Dar es Salaam, na baadaye Chuo Kikuu cha Salford nchini Uingereza.
Mwaka 1985 – 1988, alisoma Shahada ya Kwanza ya Elimu katika Chuo Kikuu cha Dar es Salaam akichukua masomo ya Kemia na Hisabati.
Mwaka 1981 – 1982, alisoma diploma katika Chuo cha Mkwawa akichukua masomo ya Kemia na Hisabati.
Mwaka 1979 – 1981, alipata elimu ya juu ya sekondari katika Shule ya Sekondari Mkwawa, Iringa.
Mwaka 1977 – 1978, alisoma elimu ya sekondari katika Shule ya Sekondari Lake, Mwanza.
Mwaka 1975 – 1977, alisoma Shule ya Msingi Katoke, Biharamulo mkoani Kagera.
Mwaka 1967 – 1974, alisoma Shule ya Msingi, Chato.
Mafunzo
Machi 1984 – Juni 1984 alihudhuria mafunzo ya Jeshi la Kujenga Taifa (JKT), Mpwapwa mkoani Dodoma.
Januari 1984 – Machi 1984 alikuwa JKT Makuyuni, Arusha.
Julai 1983 – Desemba 1983 alikuwa JKT Makutupora, Dodoma.
Uzoefu wa kazi
Mwaka 2010 – hadi sasa: Waziri wa Ujenzi na Mbunge wa Chato.
Mwaka 2008 – 2010: Waziri wa Maendeleo ya Mifugo na Samaki; Mbunge wa Biharamulo Mashariki (Chato).
Mwaka 2005 – 2008: Waziri wa Ardhi, Nyumba na Maendeleo ya Makazi; na Mbunge wa Biharamulo Mashariki (Chato)
Mwaka 2000 – 2005: Waziri wa Ujenzi, na Mbunge wa Biharamulo Mashariki.
Mwaka 1995 – 2000: Naibu Waziri wa Ujenzi; na Mbunge wa Biharamulo Mashariki.
Mwaka 1989 – 1995: Mkemia Chama cha Ushirika cha Nyanza Cooperative Union (Ltd.), Mwanza.
Mwaka 1982 – 1983: Mwalimu Shule ya Sekondari Sengerema (akifundisha masomo ya Kemia na Hisabati).
Dk. Magufuli amepata tuzo mbalimbali za ndani na nje ya nchi. Ameshiriki na kuongoza mikutano mingi ya kitaifa na kimataifa. Ameandika vitabu na majarida mbalimbali. Ameoa na ana watoto kadhaa.

CHANZO: MTANZANIA

Ukawa wamshika pabaya Dk. Magufuli

UMOJA wa Katiba ya Wananchi (Ukawa) ‘umemshika pabaya’ Waziri wa Ujenzi, Dk. John Magufuli kutokana na ukubwa wa deni linalodaiwa na wakandarasi.
Deni hilo limesababisha wabunge kutaka ufafanuzi wa kina kuhusu deni ambalo linazidi bajeti ya miradi ya maendeleo kwa mwaka wa fedha 2015/2016.
Akiwasilisha Maoni ya Kambi ya Upinzani bungeni jana, Msemaji wa Upinzani katika wizara hiyo, Felix Mkosamali alimtaka Dk. Mgufuli kulifafanulia Bunge madeni ambayo yamefikia Sh bilioni 800.
Alisema katika mwaka wa fedha 2015/16, wizara hiyo imetenga bajeti ya maendeleo Sh bilioni 890.57 kwa taasisi zilizo chini yake wakati deni ni Sh bilioni 800.
“Mheshimiwa Spika, licha ya wizara hii kuwa na kelele na mbwembwe nyingi ukweli ni kwamba madeni ya wizara yanazidi fedha za maendeleo tunazopitisha katika Bunge lako tukufu,” alisema Mkosamali.
Mkosamali ambaye pia ni Mbunge wa Muhambwe (NCCR-Mageuzi), alitoa mfano kuwa bajeti ya 2014/15, wizara ilikuwa na madeni yanayofikia Sh bilioni 760 huku bajeti ya maendeleo kwa wizara na taasisi zake zikiwa Sh bilioni 762.
Alisema huo ni ushahidi wizara hiyo haikuwa na fedha za maendeleo kwa mwaka wa fedha 2014/2015.
Kivuko Dar-Bagamoyo
Kuhusu kivuko cha Bagamoyo, Mkosamali aliliomba Bunge kuunda tume huru ya kuchunguza ununuzi wa kivuko hicho kwa sababu ni kibovu, licha ya kununuliwa kwa bei kubwa.
“Mheshimiwa Spika, ni jambo la ajabu kivuko hiki kimenunuliwa kwa takribani Sh bilioni nane, kinabeba abiria 300 kinatumia saa tatu kutoka Dar es Salaam kwenda Bagamoyo na kurudi mara moja tu kwa siku.
“Hali hii imechangia kivuko hiki kukosa abiria na hivyo wananchi wanaona afadhali kupanda daladala kuliko kivuko kinachotumia saa tatu.
Alisema kambi yake imebaini Dk. Magufuli amekuwa akiaandaa bajeti ndefu kuwachanganya wabunge huku akiunganisha barabara zilizojengwa miaka 1980 na 1990 kama vile zimejengwa leo.
KAPUYA
Naye Makamu Mwenyekiti wa Kamati Miundombinu, Profesa Juma Kapuya alisema wakati wanachambua utekelezaji wa bajeti ya wizara hiyo kwa mwaka2014/15 na makadirio ya 2015/16, walijulishwa kuwapo madeni makubwa ya wakandarasi na wahandisi washauri wa barabara ambayo yamekuwa yakiongezeka.
“Mheshimiwa Spika, kuendelea kulimbikiza madeni haya kunasababisha hasara mbalimbali kwa Serikali ikiwamo ongezeko la riba, kazi kufanyika kwa muda mrefu na wakandarasi wadogo kufilisika,”alisema Profesa Kapuya.
Trillioni 4/- Dar
Awali akiwasilisha bungeni mpango wa makadirio ya mapato na matumizi wizara yake kwa mwaka 2015/16, Waziri wa Ujenzi Dk. John Magufuli alisema aliisema miradi yote iliyopangwa kutekelezwa na wizara yake itakapokamilika itagharimu Sh trilioni 4.394.
Waziri alisema sehemu ya barabara ya Dar es Salaam –Chalinze imepangwa kujengwa kwa kiwango cha barabara sita na itatekelezwa kwa utaratibu wa ubia kati ya Serikali na sekta binafsi (PPP).
“Mheshimiwa Spika, suala la kupunguza msongamano wa magari katika Jiji la Dar es Salaam ni suala mtambuka linalohusisha wizara na mamlaka mbalimbali zikiwamo halmashauri za Jiji.
“Maandalizi ya ujenzi barabara ya njia sita ya Dar es Salaam – Chalinze – Morogoro (kilomita 200) sehemu ya Dar es Salaam – Chalinze (kilomomita 100) imepangwa kujengwa kwa kiwango cha “Expressway”. Maandalizi ya mradi huu utakaotekelezwa kwa utaratibu wa ubia baina ya Serikali na Sekta Binafsi (Public Private Partnership – PPP) yameanza.
Kuhusu ujenzi wa daraja jipya la Selander, Dk. Magufuli alisema lengo kuu ni kupunguza msongamano wa magari katika eneo la Selander na Serikali ya Korea Kusini imekubali kuipatia Tanzania mkopo wa masharti nafuu kwa ajili ya ujenzi huo.
Alisema daraja hilo pamoja na barabara zake za maingilio litakuwa na urefu wa kilomita 7.2 na litaanzia eneo la Koko Beach kupitia Kenyatta Drive na kuingia baharini na kisha kuungana na barabara ya Barack Obama eneo la Hospitali ya Aghakan na utagharimu Sh bilioni 197.5.
Magufuli alisema katika kipindi cha miaka 10 Serikali ya awamu ya nne chini ya Rais Jakaya Kikwete, imejenga barabara zenye urefu wa zaidi ya kilomita 17,762.
Wabunge
Baadhi ya wabunge wameshangazwa na hatua ya Serikali kutenga bajeti ya Wizara ya Ujenzi isiyo halisi huku wengine wakipatwa na wasiwasi iwapo miradi mipya ya barabara itatekelezwa mwaka huu.
Katika michango yao bungeni jana, wabunge hao walisema wizara hiyo imezidiwa na madeni ya wakandarasi kutokana na Serikali kushindwa kutoa fedha na nyingine kutumiwa vibaya.
Mbatia
Akichangia bajeti hiyo, Mbunge wa Kuteuliwa, James Mbatia (NCCR-Mageuzi), alisema bajeti hiyo ni kiini macho kutokana na kuzongwa na madeni makubwa ya wakandarasi.
“Wizara hii inadaiwa na wakandarasi deni la Sh bilioni 850 hadi bilioni 900 kuliko fedha zinazoombwa, hivi nyinyi mtafanyaje kazi kwa bajeti hii?
“Mwaka jana mfuko wa barabara ulitengewa Sh bilioni 600, lakini fedha hukupewa zote… Serikali hapa imevunja Katiba, ibara ya 135 inaeleza kuwa fedha zinazotengwa kwa kazi fulani zinapaswa kutumika kwa kazi husika.
“Wapo wakandarasi wanne wamepoteza maisha kutokana na kutolipwa madeni yao, hivi kweli hadi imefikia mahali wananchi wetu wanapoteza maisha kwa sababu ya madeni ya Serikali,” alisema.
Msigwa
Mbunge wa Iringa Mjini, Mchungaji Peter Msigwa (Chadema) alisema mkoani Iringa pekee wakandarasi wanaidai Serikali mabilioni ya shilingi jambo ambalo limeathiri hadi maisha ya mama lishe.
“Mimi nashangaa, sisi wabunge tunakwenda nje ya nchi tunaona barabara za wenzetu. Hizi barabara za wenzetu ni sawa na hizi za kwetu? Mbona tunajitoa fahamu, tuache kujikombakomba kwa vitu visivyokuwa na maana.
“Dar es Salaam ni jiji la mfano lakini miaka 30 imepita jiji halina master plan (mipango miji), eti wabunge wengine wanalinganisha barabara zetu na zile za Dubai, jamani tuache hizo.
“Hizi barabara zetu ni za kwenda migombani, huwezi kulinganisha barabara hizi na zile tunazoziona katika nchi za wenzetu, huwezi kujisifia kwa barabara ambazo ni disposable (za muda),” alisema.
Msigwa aliishangaa Serikali kununua Kivuko cha Bagamoto Dar es Salaam kwa gharama kubwa huku kikijiendesha kwa hasara.
“Kwa kivuko hiki mtu anaweza kwenda Zanzibar kutoka Dar es Salaam na kurudi mtu aliyetoka Bagamoyo hajafika Dar es Salaam. Kivuko kinatumia saa tatu nauli Sh 1500 kwa safari moja Serikali inapata Sh 450, 000 wakati mafuta yanayotumika katika kivuko hicho ni Sh milioni 2.4 waziri mnafanya kitu gani?” alihoji.
Mkosamali
Mbunge wa Muhambwe, Felix Mkosamali (NCCR-Mageuzi), aliwashangaa wabunge wanaosifia Serikali badala ya kutimiza wajibu wao wa kuisimamia Serikali.
“Kuna mbunge mmoja alisimama hapa akaisifia Serikali, yaani fedha zinapunguzwa halafu mbunge anakuja hapa anasifia. Mwaka jana Serikali iliahidi kutoa Sh bilioni 10 Kigoma katika bajeti hii fedha iliyotengwa ni Sh bilioni 7, mtu anasifia,”alisema.
Sendeka
Mbunge wa Simanjiro, Christopher ole Sendeka (CCM), alisema anawashangaa wabunge ambao wanaishambulia Serikali kutokana na bajeti ndogo badala ya kushauri namna ya kupata fedha.
“Kule kwangu Simanjiro hakuna hata hatua moja ya lami, acha kilomita moja, hatua moja hakuna lakini hii haiondoi ukweli kwamba Serikali imejitahidi katika sekta ya ujenzi.
“Zipo changamoto, madeni ni mengi, fedha haziendi hivi mnategemea Maguli atafanya kitu gani? Barabara haziwezi kujengwa kwa kupiga kelele tuunganishe nguvu sote kwa umoja watu,” alisema.
Mtemvu
Mbunge wa Temeke, Abbas Mtemvu (CCM), alisema haungi mkono bajeti hiyo kutokana na tatizo la msongamano katika jiji la Dar es Salaam.
“Wananchi wa Temeke wamenituma nisiunge mkono bajeti hii na sababu ni moja tu, msongamano katika jiji la Dar es Salaam, hali ni mbaya, inatisha inatia huruma.
“Leo hii Dar es Salaam mtu anatumia saa sita kutoka kazini kwenda nyumbani kwake. Mheshimiwa Magufuli juzi ulisema asilimia 65 ya mapato inatoka Dar es Salaam, lakini hutuwatendei haki watu wa Dar es Salaam.
“Nakuomba mheshimiwa muda uliobaki ni mfupi tunaomba sana tusaidie tupate fedha kwa ajili ya barabara za ringroad (barabara za pete). Barabara nyingi Dar es Salaam hivi sasa hazipitiki kutokana na mvua na wakandarasi wamelipwa,” alisema.

Al shababu wauwa 25 tena Kenya

KUNDI la wana mgambo wa Al Shabaab la Somalia, linadaiwa kuwaua polisi 25 wa Kenya jana.
Inaelezwa kuwa wanamgambo hao walivamia magari ya polisi katika eneo la Yumbis wilayani Fafi, Kaunti ya Garissa.
Hadi jana jioni, hakukuwa na taarifa inayoeleza waliko polisi walionusurika baada ya shambulio hilo la kushtukiza.
Taarifa zilizochapishwa na gazeti la Daily Nation, zilisema maofisa watatu walionusurika shambulio hilo walisema magari manne ya polisi yaliteketezwa na wanamgambo hao.
Maofisa hao walikuwa kwenye msafara huowakielekea Yumbis saa chache tu baada ya wenzao wengine kujeruhiwa kwenye shambulio la Jumatatu alasiri.
Katika shambulio la kwanza, maofisa watatu walijeruhiwa baada ya gari lao kukanyaga bomu lililotegwa na wanamgambo hao.
Mwakilishi wa Kata ya Jarajila, Mahat Osman alisema maofisa hao walikuwa wakienda Yumbis wakati gari lao lilipokanyaga bomu katika eneo la Yarey.
Alisema waliojeruhiwa walipelekwa katika Hospitali ya Rufaa ya Garissa.
Mkuu wa Wilaya ya Fafi, Geoffrey Taragon alisema hali za askari hao ni mbaya.
Mashambulio dhidi ya askari hao wa Kenya yalitokea ikiwa ni wiki moja tu baada ya Al- Shabaab kuvamia Kijiji cha Yumbis na vingine jirani na kuwahutubia wakazi wake msikitini kwa saa kadha bila mamlaka za usalama za Kenya kujua kilichokuwa kinaendelea.
Kundi hilo lenye uhusiano na mtandao wa ugaidi wa al Qaeda, lilisema liliwashambulia polisi kilomita 70 kaskazini mwa Garissa, mji ambao wanamgambo hao walivamia Chuo Kikuu cha Garisa na kuua watu 148 wengi wao wakiwa wanafunzi, Aprili mwaka huu.
Wanamgambo hao wanaopigania kuiangusha Serikali ya Somalia inayoungwa mkono na nchi za magharibi, wameanzisha mashambulio mengi ndani ya ardhi ya Kenya wakijaribu kuilazimisha iondoe askari wake Somalia.

Mashambulio hayo yamesababisha Serikali ya Kenya izidi kubanwa iondoe askari wake Somalia lakini imeapa kuendelea na operesheni yake sambamba na majeshi mengine ya kulinda amani ya Umoja wa Afrika (AU) nchini humo.
Serikali ya Rais Uhuru Kenyatta imeendelea na msimamo huo licha ya watu kuendelea kuuawa nchini Kenya kwa mashambulio ya wanamgambo hao huku sekta ya utalii, ambayo ni miongoni mwa vyanzo vyake vikuu vya fedha za kigeni ikiporomoka.
Katika tukio la jana, Jeshi la Polisi lilisema ni askari mmoja tu aliyeuawa katika mashambulio hayo ya Fafi na Yumbis na mwingine alijeruhiwa vibaya, huku watatu wakiwa na majeraha madogo.
“Kundi la maofisa lililopelekwa kuongeza nguvu wakati lilipowasili eneo la tukio lilijikuta likishambuliwa kwa kushtukizwa,” Mkuu wa Jeshi la Polisi, Joseph Boinnet alisema katika taarifa yake jana.
Lakini wakati taarifa za awali za vyombo vya habari zikisema askari zaidi ya 20 hawajulikani waliko, kundi la al Shabaab lilisisitiza kuua askari 25.
“Tumechukua silaha zao zote. Kulikuwa na askari wa Kenya waliokuwa wakikimbia huko na huko baada ya shambulio hili la kushtukiza,” msemaji wa operesheni za kijeshi wa al Shabaab, Sheikh Abdiasis Abu Musab, alisema.

Polisi wakiwawinda waasi wa Al shababu

Majeshi ya AU na Somalia, yamefanikiwa kuwaondoa Al Shabaab kutoka miji mikubwa ya Somalia katika miezi ya hivi karibuni.
Lakini shambulio la jana, linazidi kudhihirisha kwamba kundi hilo bado lina uwezo mkubwa wa kufanya mashambulio katika maeneo muhimu ya Kenya.
Sababu za mashambulio
Jeshi la Kenya liliingia kusini mwa Somalia, Oktoba 2011 baada ya mlolongo wa matukio ya utekaji nyara watalii na wafanyakazi wa kigeni wa mashirika ya misaada ndani ya ardhi ya Kenya, yaliyofanywa na kundi hilo ambalo hata hivyo lilikana kuyaendesha.
Tangu kipindi hicho yamekawapo mashambulio ya mara kwa mara, mengi yakiwalenga raia.
Watu 400 wameuawa
Al Shabaab limekwisha kuwaua watu zaidi ya 400 nchini Kenya tangu Rais Uhuru Kenyatta aingie madarakani Aprili, 2013.
Mashambulio yameendelea bila kukoma licha ya utawala huo kujaribu kuzuia uingizaji wa silaha kwa magendo katika mpaka wake na Somalia wenye urefu wa kilomita 700.
Shambulio kwenye Chuo Kikuu cha Garissa mwezi uliopita ndilo lililoua watu wengi kwa wakati mmoja kuliko lile la Westgate mjini Nairobi, Septemba 21, 2013 ambako watu 67 waliuawa.
Baada ya shambulio la Westgate, Wakenya walidhani ulinzi umeimarishwa, lakini Desemba 13, 2013, mashambulio pacha katika mji wa kaskazini mashariki wa Wajir yaliua watu wawili na kujeruhi wengine watatu.
Siku iliyofuata kundi hilo, lilirusha bomu la kutupa kwa mkono katika basi dogo katika kitongoji cha Eastleigh, Nairobi na kuua watu wanne na kujeruhi wengine 36.
Hilo lilikuwa shambulio la nne kutokea wakati wa wiki ambayo Kenya ilikuwa ikiadhimisha miaka 50 ya uhuru wake.
Machi 31, 2014, mabomu mawili yaliua watu sita katika eneo linalokaliwa na Wasomali wengi la Eastleigh jijini Nairobi.
Aprili Mosi, 2014 katika eneo hilo hilo, watu sita walikufa na wengine wengi kujeruhiwa wakati mabomu yalipolipuka katika maeneo mawili tofauti yakiwa yameachana umbali wa mita 300.
Kati ya Aprili 9, 2014 na Mei 23, 2014 yalikuwapo mashambulio mengi yakienda sambamba na kukamatwa kwa magaidi au silaha katika maeneo mbalimbali ya Nairobi na Mombasa, ambako watu 13 waliuawa na wengine wengi kujeruhiwa.
Watalii wakimbia
Hali kadhalika Juni 16, 2014, Al-Shabaab waliua watu 48 walipovamia mji wa pwani wa Mpeketoni kwa kushamulia kituo cha polisi, hoteli na ofisi za Serikali na kusababisha watalii kupungua kwa kiasi kikubwa.
Mwishoni mwa mwaka 2014, mashambuilio mawili ya Al Shabaab yaliua watu 64 katika Kaunti ya Mandera.
Katika shambulio la kwanza, wanamgambo walishambulia basi lililokuwa likisafiri kutoka Mandera kwenda Nairobi na kuua watu 28.
Mwezi huo huo, Al-Shabaab walishambulia wafanyakazi waliokuwa machimboni na kuua 36, wengi wao wakiwa si Waislamu, karibu na mji huo wa Mandera.

Mhudumu wa baa kortin kwa kifo cha mteja

Muhudumu mmoja wa baa amepatikana na hatia ya mauaji baada ya kumpa mteja wake jumla ya vipimo 56 vya pombe na kisha akafa.

 Raia huyo wa Ufaransa alimpa Renaud Prudhomme, mwenye umri wa miaka 56, ''shoti'' 56 za mvinyo katika baa yake

Raia huyo wa Ufaransa alimpa Renaud Prudhomme, mwenye umri wa miaka 56, ''shoti'' 56 za mvinyo katika baa yake kwa nia ya kuvunja rekodi ya mywaji pombe nambari moja.
Marehemu Prudhomme, aliyekuwa ameandamana na binti yake kujiburudisha, alipelekwa nyumbani akiwa mlevi chakari.
Inaarifiwa kuwa alikimbizwa hospitalini ambapo alipatikana ameaga dunia siku iliyofuatia.
Hata hivyo mahakama ilimpata na hatia mhudumu huyo Gilles Crepin, mwenye umri wa miaka 47, kwa kumchochea marehemu Prudhomme aendelee kubugia mvinyo ilihali alikuwa mlevi kupindukia.
Mahakama ilisema kuwa Crepin aliendelea kuandika nani anayeshikilia rekodi hiyo kwenye ubao uliotundikwa hadharani kwa wateja wake.
Sasa Crepin amehukumiwa kifungo cha nyumbani cha miezi minne na kupigwa marufuku ya kufanya kazi katika baa yeyote kwa kipindi cha mwaka mmoja.
Wakili wake Renaud Portejoie tayari amesema kuwa atakata rufaa dhidi ya kauli hiyo ya mahakama.

"kauli hii haina hata chembe ya haki bali ni hisia tu zilizotumika hapa ,ninavyoona mimi hizi ni jitihada za amahakama kutoa hukumu ili iwe funzo''
Awali alikuwa ameiambia mahakama kuwa kifo cha Prudhomme hakikutokea kimsingi na kufuatia matukio ya mteja wake kwani marehemu alikuwa na maradhi ya kupumua mbali na kuwa mraibu wa tembo.
''kwa hakika hatuwezi kuwalazimisha wateja wote wa pombe kutoa ithibati kuwa wako katika hali nzuri ya afya''
Wakili wa mwanawe marehemu Antoine Portal, alisema kuwa familia yao imetulizwa na marufuku hiyo ya Crepin ya mwaka mmoja.
''Nilikuwa nataka tu kuwakumbusha wahudumu wa baa kuwa ni kinyume cha sheria kuendelea kumpa pombe mlevi''

Wakili toka kenya ataka kuwa Mkwe wa Obama

Taarifa kuwa wakili mmoja wa kenya amesema yuko tayari kutoa mahari kwa mtoto wa raisi wa Marekani,Barrack Obama zimeenea duniani kote Felix Kiprono amesema yuko tayari kutoa ng'ombe 50,kondoo 70 na mbuzi 30 kwa ajili ya mahari ya mtoto wa Obama,Malia Obama.Hivyo anajiandaa kuzungumzia swala hilo na baba wa mtoto huyo atakapo tembelea Kenya ,mwezi Julai.

Sevilla bingwa Europa

Usiku wa kuamkia leo kulikuwa na kivumbi cha fainali ya Uefa ndogo, kwenye mtanange ulioikutanisha Sevilla ya Hispania dhidi ya Dnipropetrovsk ya Ukrain.

Katika mchezo huo uliopigwa mjini Warsaw nchini Poland, Sevilla imeibuka kidedea kwa jumla ya bao 3-2, huku shukrani za dhati zikienda mkolombia Carlos Bacca aliyetumbukiza kimiani mabao mawili kati ya matatu yaliyoipa ushindi Sevilla. Hii ni mara ya pili mfululizo kwa timu hiyo kunyakua kombe hilo na kuweka rekodi ya kuchukua mara nyingi zaidi taji hilo. Ukiachilia mbali ushindi huu walioupata jana, Sevilla ilitawazwa kuwa mabingwa kwa mara ya kwanza mwaka 2006, 2007 na 2014.

Kampuni ya kuzuia ajali yaanzishwa Tanzania

Kutokana na wimbi la ajali za barabarani linalosababisha vifo vya mamia ya watu na maelfu kujeruhiwa,wananchi wametakiwa kutoa taarifa kwa vyombo vya usalama pindi wanapoona kanuni na sheria za barabarani zinakiukwa na madereva wazembe.

Wito huo umetolewa na mkuu wa kikosi cha usalama barabarani Mohamed Mpinga wakati wa uzinduzi wa kampeni mpya ya kuhamasisha usalama barabarani ijulikanayo zuia ajali sasa,toa taarifa mapema ambayo inafanywa na kituo cha ITV na Radio One kwa kushirikiana na Vodacom pamoja na jeshi la polisi, ambapo amesema matukio ya ajali yatapungua endapo madereva wote watazingatia kanuni na sheria za usalama barabarani.

Akizungumza katika uzinduzi huo uliofanyika kituo kikuu cha mabasi Ubungo jijini Dar es Salaam mkurugenzi wa Radio One Sterio Deogratius Rweyunga amesema lengo la kituo cha ITV na Radio One ni kuhakikisha madereva hasa wanaobeba abiria na kwenda masafa marefu wanakuwa makini wawapo barabarani na kutii sheria ili kunusuru maisha ya watu na kutaja namba za kutoa taarifa za mienendo mibaya ya madereva ambayo ni 0800757575.

Baadhi ya madereva wa mabasi ya mikoani wameeleza sababu kadhaa zinazochangia ajali za barabarani ikiwemo ubovu wa miundombinu pamoja na abiria wenyewe ambao wamekuwa wakiwachochea kuongeza mwendo kwa madai ya kucheleweshwa wanakokwenda huku wakitishia kuhama kampuni ya basi husika kutokana na dereva kwenda mwendo mdogo.

Polisi washtumiwa kupora kwa kutumia mabomu na risasi

Askari Polisi saba akiwemo mkuu wa kituo cha Polisi Murongo wilaya ya Kyerwa mkoani Kagera Bw.Richard Msusi wanatuhumiwa kupora fedha zaidi ya shilingi milioni saba baada ya kuwateka nyara maafisa wa halmashauri ya wilaya ya Kyerwa wakitumia bunduki na mabomu eneo la Murongo katika mpaka wa Tanzania na Uganda wakigombea kukagua gari lenye shehena ya bidhaa ambazo haziruhusiwi kuingia hapa nchini.

Wakizungumza na na vyombo vya habari maafisa wa halmashauriya wilaya ya Kyerwa baada ya kuachiwa huru na jeshi la polisi waesema kuwa chanzo cha kukamatwa na kuporwa fedha ni baada ya kuwazuia Polisi wasiruhusu gari lenye shehena ya bidhaa zisizoruhusiwa kuingia hapa nchini zikiwemo pombe haramu aina ya Empaya zinazozalishwa nchi ya Uganda kwa madai kuwa gari hilo limekaguliwa na maafisa wa TRA na polisi kwenye mpaka wa Tanzania na Uganda hivyo halmashauri haina mamlaka ya kukagua gari hilo hali iliyosababisha mgogoro kati ya polisi na maafisa wa halmashauri.

 

Kufuatia hali hiyo mwenyekiti wa kamati ya ulinzi na usalama ambaye ni mkuu wa mkoa wa Kagera Bw.John Mongella akalazimika kwenda katika eneo la tukio ambapo akiwa njiani katika hali isiyokuwa ya kawaida barabara ya kaisho Murongo ikafungwa na vifusi vya mchanga hali iliyosababisha polisi kumsimamia mkandarasi kusambaza vifusi vya mchanga ili kuruhusu msafara wa mkuu wa mkoa upite ambapo katibu wa CCM wilaya ya Kyerwa Bi.Odilia Maholelo ameshangazwa na kitendo cha kufungwa barabara inayotumika.

 

Baada ya barabara kufunguka msafara ukaendelea ambapo mkuu wa mkoa wa Kagera Bw.John Mongella akaitisha kikao cha kamati ya ulinzi na usalama wilaya ya Kyerwa na baadaye akazungumza na ITV akisema kwamba ofisi yake inachunguza kwa kina tuhuma  hizo na atakayebainika kukiuka sheria za tumishi wa umma atawajibishwa kisheria.

Carlo Ancelotti atupiwa virago Madrid

Carlo Ancelotti 

Hatimaye miamba ya soka nchini Hispania Real Madrid imemtimua kocha wa timu hiyo Carlo Ancelotti baada ya kuiongoza klabu hiyo kwa misimu miwili.

Kocha huyo raia wa Italia, aliiongoza Madrid kutwaa taji la kombe la Hispania kabla ya kuibebesha miamba hiyo taji la kumi la klabu bingwa barani Ulaya. Pamoja na mafanikio hayo aliyoyapata msimu uliopita, mwaka huu haukuwa mzuri kwa vijana hao wa Benabeu baada ya kuambulia patupu kwa kukosa hata kombe moja japokuwa kikosi cha timu hiyo kinatajwa kuwa cha gharama ya juu. Hasira za viongozi wa klabu hiyo ziliongezeka baada ya kutupwa nje na Juventus katika hatua ya nusu fainali ya klabu bingwa Ulaya huku wapinzani wao wakubwa Barcelona ikinyakuwa taji la ligi kuu na kutinga fainali ya klabu bingwa na kombe la Hispania. Rais wa Madrid Florentino Perez amewaambia waandishi wa habari kuwa haikuwa rahis kumtema kocha huyo na kuongeza kuwa kocha mpya atateuliwa wiki ijayo.

Majibu ya msemaji wa Ikulu yamweka njia panda Dk. Mengi

Mwenyekiti Mtendaji wa IPP Dr Reginald Mengi amesema bado  anahofia usalama wa maisha yake kutokana na majibu  ya Msemaji wa Kurugenzi ya Mawasiliano ya Rais Ikulu Bw. Salva Rweyemamu, kuhusu  Zitto alimchongea Mengi kwa Rais.

Akizungumza na waandishi wa habari jijini Dar es salaam, Mwenyekiti Mtendaji wa IPP Dr Reginald Mengi amesema majibu ya Msemaji wa Ikulu  Bw. Salva Rweyemamu kuwa Mhe. Rais hakuwahi kuwa na mawasiliano na Zitto Kabwe kama ilivyoelezwa, na kwamba hakufanya lolote kuhusu tuhuma zilizotolewa, kwa vile aliona ni jambo dogo na ni  upuuzi, yanamfanya aendelee kuhofia usalama wa maisha yake.

Hofu ya Dr Mengi inakuja baada ya kurejea kisa cha Mfalme wa Uingereza  cha  Mwaka 1170.

Chadema yasema njia sahihi ya kuiangusha CCM ni wananchi kujiandikisha kwa wingi kupiga kura

Chama cha Demokarasia na maendeleo Chadema kimesema njia sahihi ya kuindoa CCM madarakani ni wananchi kujitokeza kwa wingi na kujiandikisha katika daftrali la kupiga kura linaloendelea hivi sasa katika mikoa mbalimbali hapa nchini.

Kauli hiyo imetolewa na mwanasheria wa chama hicho.Tundu Lissu wakati alipokuwa akiwahutibiwa wananchi wa mji wa Bariadi na Meatu mkoani Simiyu ikiwa ni sehemu ya ziara ya viongozi wa chama hicho wanayofanya nchi nzima ya kuhamisha zoezi hilo.

 

Amewataka wananchi wa mkoa huo kujitokeza kwa wingi ifikapo tarehe 2,mwezi wa sita katika vituo na kujiandikisha ili weweze kupata haki ya kupiga kura mwezi wa kumi mwaka huu kwani ndiyo njia pekee ya kuiondoa serikali ya chama cha mapinduzi madarakani.

 

Aidha amesema yeye na wabunge wenzake wa chama hicho wameamua kuondoka bungeni na kuzunguka nchi nzima kwa ajili ya kutoa elimu hiyo ili wananchi waweze kujiandikisha baada ya kugundua kuwa zoezi hilo limegubikwa na ujanja mwingi

Waziri mkuu mstaafu Edward Lowassa kutangaza rasmi kuwania urais kupitia CCM May 30

Waziri mkuu mstaafu Edward Lowassa anataria kutangaza rasmi nia ya kuwania urais katika uchaguzi mkuu ujao tarehe 30 May jijini Arusha ambapo pia atatumia siku hiyo kujibu tuhuma mbalimbali zinazotolewa juu yake ikiwemo sakata la Richmond ambalo anadai ni njama zilizowekwa na baadhi ya wanasiasa kumchafua katika harakati zake za kisiasa.

Waziri mkuu huyo mstaafu ambaye pia ni mbunge wa jimbo la Monduli anaweka wazi msimamo wake huo katika mkutano maalum kati yake na wahariri wa vyombo mbalimbali vya habari nyumbani kwake mjini Dodoma.

 

Katika mkutano huo ambao Mhe Lowassa alitoa fursa ya kuulizwa maswali ya papo kwa hapo na kuajibu licha ya kutumia muda mrefu kutoa ufafanuzi juu ya sakata la Richmond lakini pia amezungumzia baadhi ya vipaumbele vyake  kama watanzania watamchagua kuongoza nchi ambapo lengo kuu atakaloanza nalo ni elimu kwanza akimani kuwa kila kitu kinategemea elimu.

 

Kuhusu matumizi makubwa ya fedha anayodaiwa kutumia katika safari yake ya kuwania urais Mhe Lowasa amesema fedha hizo anapokea kutoka kwa marafiki na hazina madhara yeyote katika harakati zake huku akidai kuwa hatalipa kisasi kwa lolote lililomtokea katika siasa na hana mpango wa kuondoka ndani ya CCM.

Kiongozi wa Hezbollah Hassan Nasrallah akiri ugaid ni tishio

Kiongozi wa Hezbollah Hassan Nasrallah

Kiongozi wa harakati za Shia wa Hezbollah Hassan Nasrallah amesema dunia inakabiliwa na hatari kubwa kuwahi kutokea katika historia kutokana na makundi ya kigaidi ya Islamic State na Al-Qaeda yanayopigana nchini Syria .

Kauli hiyo imekuja muda mfupi baada Waziri wa ulinzi wa Marekani kuyashutumu majeshi ya Iraq kwa kukosa ari ya kupambana na wapiganaji wa Islamic State.
Akihutubia maefu ya wafuasi wake kwa njia ya video kiongozi huyo wa Hezbollah Sheikh Nasrallah amekiri kwa mara ya kwanza kuwa Hezbollah imekuwa ikipigana muda wote maeneo ya jirani na Syria kumsaida Rais wa Syria Bashar al-Assad.
"Kila mtu anapaswa kuona kuwa yupo kwenye hatari,na wala hii si hatari kwa wale wanaolengwa na wapiganaji hao tu, ama Lebanon,Serikali ya Iraq na makundi ya Yemen, hapa hii ni hatari kwa kila mmoja. Hakuna atakayezika kichwa chake ardhini kuepuka mapigano hayo, ndiyo tunapigana kwaajili ya ndugu zetu wa Syria,jeshi na wakazi wa Syria katika miji ya Aleppo,Homs ,Deir Ezzor ,Qalamoun,Hasakeh na Idlib".anasema Shekh Nasrallah
Naye Waziri wa ulinzi wa Marekani,ameyashutumu majeshi ya Iraq kwa kukosa morali ya kupambana na wapiganaji wa Islamic State. Katika hali isiyokuwa ya kawaida ya maoni hayo ya lawama,Ash Carter amesema kwamba majeshi yao yana idadi kubwa ya askari katika mji wa Ramadi,lakini yalikumbana na upinzani walipokuwa wakishambulia na matokeo yake walitimuliwa mjini humo. Akihojia na televisheni ya CNN Ash Carter hakuna msaada wowote kwa majeshi ya Iraq

Brendan Rodgers asema yupo tayari kuiacha Liverpool

Brendan Rodgers

Kocha wa klabu ya Liverpool, England Brendan Rodgers amesema yupo tayari kuondoka klabuni hapo, pale tu wamiliki wa timu hiyo watakapomtaka kufanya hivyo.

Liverpool imejikuta ikiaibishwa kwa kukubali kichapo cha bao 6-1 kutoka kwa Stoke City katika mchezo wa kufunga pazia la ligi kuu ya England, lakini pia mchezo huo ndio ulikuwa wa mwisho kwa nahodha Steven Gerrard. "mengi yamepita mwaka huu ambayo yameifanya kazi kuwa ngumu. Msimu uliopita wakati mambo yalipoenda vizuri, tuliungwa mkono na kila mtu, lakini kiwango cha sasa hakiwezi saidia na kiukweli naelewa hilo" alisema Rodgers.

Mwigulu Nchemba ajiuzulu unaibu katibu ccm ili agombee Urais

Mwigulu Nchemba.

ALIYEKUWA Naibu Katibu Mkuu wa Chama Cha Mapinduzi (CCM), Mwigulu Nchemba amejiuzulu nafasi hiyo ili awanie nafasi ya kugombea urais na nafasi yake imechukuliwa na Rajab Luhavi aliyekuwa mshauri wa rais katika siasa.
Mwigulu amabye pia ni Naibu Waziri wa Fedha, ametangaza kujiuzulu nafasi hiyo leo jioni katika Kikao cha Halmashauri Kuu ya Taifa ya CCM mkoani Dodoma.
Akithibitisha taarifa hiyo, Katibu wa NEC, Itikadi na Uenezi, Nape Nnauye amesema kuwa Mwigulu ameamua kujiuzulu nafasi hiyo kutokana na nia yake ya kutaka kuomba kuwania urais kwa tiketi ya CCM katika Uchaguzi Mkuu utakaofanyika Oktoba mwaka huu.
"Mwigulu alikuwa ameshamwambia nia hiyo Mwenyekiti wa Chama, Rais Jakaya Kikwete, naye akamkubalia, sasa leo katika kikao ameomba rasmi kujiuzulu na mwenyekiti amemkubalia mbele ya wajumbe wa NEC" Alisema Nape.
Nape amesema kufuatia uamuzi huo, Mwenyekiti wa CCM, Rais Kikwete amemteua msaidizi wake katika masuala ya siasa, Ndugu Rajabu Ruhavi kuwa Mjumbe wa NEC, na wakati huohuo kumteua kuwa Naibu Katibu Mkuu wa CCM kushika nafasi iliyoachwa na Mwigulu

Waziri mkuu wa uturuki apiga Hat trik

Davutoglu afunga goli 3 katika dakika 40 alizocheza kwenye mechi ya kirafiki

Wazir Mkuu wa Uturuki Ahmet Davutoglu, alijumuika na wachezaji wa zamani wa kilabu ya Trabzonspor katika mechi maalum ya kirafiki iliyochezwa mjini Trabzon nchini Uturuki.
Davutoglu aliyeingia uwanjani na jezi nambari 61 mgongoni, alikaribishwa na kupewa maua uwanjani kwa heshima.
Kabla ya mchuano huo kung’oa nanga, Waziri Mkuu Davutoglu pia alipiga picha za ukumbusho na wachezaji wa zamani wa kilabu ya Trabzonspor.
Mechi hiyo ilidumu kwa dakika 40, zilizogawanywa katika dakika 20 kila kipindi na kumalizika kwa sare ya 4 – 4.
Davutoglu aliweza kuifungia timu yake goli 3 katika mechi hiyo na kutoa pasi moja iliyozalisha goli.

Basi la kampuni ya Super Feo la pinduka na kuua watu 3 na wengine 28 kujeruhiwa

Watu 3 wamekufa papo hapo na wengine 28 kujeruhiwa baada ya basi la kampuni ya Super Feo walilokuwa wakisafiria kutoka jijini Mbeya kwenda Songea mkoani Ruvuma kupinduka na kutumbukia mtoni katika kijiji cha Shamwenga kata ya Inyara wilayani Mbeya.

Ajali hiyo imetokea baada ya basi la kampuni ya Super Feo likiwa kwenye mwendo mkali kujaribu kulipita lori lililokuwa mbele yake, lakini kabla halijafanikiwa kulipita kwa mbele likatokea lori la mafuta, hali ambayo ikasababisha dereva wa basi kulikwepa kwa upande wa kulia, lakini akashindwa kulimudu na ndipo lilipopoteza mwelekeo na kutumbukia mtoni.

 

Daktari wa zamu katika hospitali ya rufaa Mbeya, Dk Lathan Mwakyusa amethibitisha kupokea miili ya watu watatu pamoja na majeruhi 28 wanaotokana na ajali hiyo.

 

Kwa upande wake afisa mfawidhi wa Sumatra mkoa wa Mbeya, Denis Daudi amesikitishwa na ajali hiyo na kuwataka madereva kuongeza umakini wawapo barabarani ili kuepusha ajali zinazoweza kuzuilika.

Mwanamke mwenye miaka 65 ajifungua pacha wanne Ujerumani

Rekodi mpya ya mwanamke mwenye umri mkubwa zaidi aliyejifungua pacha wanne duniani

Mwanamke mmoja mwenye umri wa miaka 65 aliyekuwa na uja uzito, anaarifiwa kujifungua pacha wanne nchini Ujerumani.
Kwa mujibu wa taarifa zilizotolewa na Suddeutsche Zeitung, mwanamke huyo kwa jina la Annegret R, alizaa pacha wanne siku ya Jumanne iliyopita katika hospitali ya Berlin. Watatu kati ya pacha hao ni wa jinsia ya kiume, na mmoja ni wa kike.
Watoto hao wenye uzani wa gramu za kati ya 655 na 960, walikuwa na urefu wa sentimita 30 hadi 35.
Watoto hao waliozaliwa katika wiki ya 26 ya uja uzito, wanaarifiwa kuwa na bahati ya kuweza kuishi ingawa bado hawajakua vizuri.
Annegret R aliyepata uja uzito kwa njia ya upandikizaji ambayo imepigwa marufuku nchini Ujerumani, anasemekana pia kuwa na watoto 13 na wajukuu 7.
Annegret R sasa ameweka rekodi mpya ya mwanamke mwenye umri mkubwa zaidi duniani aliyeweza kujifungua pacha wanne.

Mazishi ya kiongozi wa upinzani alieuawa kwa kupigwa risasi jijini Bujumbura

Mazishi ya kiongozi wa upinzani alieuawa kwa kupigwa risasi jijini Bujumbura

Maelfu ya raia wa Burundi wamekusanyika katika shuhuli za mazishi ya mmoja wa viongozi wa upinzani alieuawa kwa kupigwa risasi jioni ya Jumamosi na watu wasiojulikana tarafani Ngagara.
Shuhuli za mazishi zilianzia katika mskiti unaopatika kata ya 10 tarafani Ngagara.
Zedi Feruzi alikuwa mwenyekiti wa chama cha UPD ambacho ni moja ya vyama pinzani nchini Burundi.
Viongozi wa asasi za kiraia na wale wa vyama pinzani walishiriki katika mazishi hayo.
Ripota wa shirika la habari la Anadolu alifahamisha kuwa hakuna muakilishi yeyote kutaka katika chama tawala wala serikali alieshiriki katika mazishi hayo.
Katika msafara wa mazishi hayo kulionekana mabango yaliokuwa yameandikwa maneno dhidi ya rais Pierre Nkurunziza.

Okwi ndie mchezaji bora wa mwaka

Okwi amewashinda wachezaji Ramadhani Singano na Ibrahim Ajibu ambao walikuwa wakimfukuzia kwa kasi katika kuwania tuzo hiyo

MSHAMBULIAJI wa kimataifa wa Simba raia wa Uganda Emmanuel Okwi ametajwa kuwa mchezaji bora wa klabu hiyo kutokana na mchango mkubwa alioutoa kwa timu hiyo iliyomaliza msimu kwenye nafasi ya tatu nay eye kumaliza nafasi ya tatu kwenye orodha ya wachezaji wanaowania ufungaji bora kwa kufunga mabao 10.
Katika nafasi hiyo Okwi amewashinda wachezaji Ramadhani Singano na Ibrahim Ajibu ambao walikuwa wakimfukuzia kwa kasi katika kuwania tuzo hiyo iliyotolewa kwa kuangalia mchango wa kila mmoja msimu huu.
Baada ya kutajwa mshindi wa tuzo hiyo Okwi ameiambia Ukomboz blog, anafurahi kuwa mchezaji bora ndani ya klabu yake anaamini itamuongezea hamasa ya kuendelea kujituma na kuipa mafanikia zaidi msimu ujao lakini pia ameshukuru wachezaji wenzake wote ambao walishirikiana nao na kuifikisha Simba hapo ilipo.
“Nashukuru kwa tuzo hiyo lakini kama timu bado tunakazi kubwa ya kuhakikisha Simba inafanya vizuri msimu ujao na kutwaa ubingwa wa Tanzania bara,”amesema Okwi.
Kipa mkongwe Ivo Mapunda ametwaa tuzo ya kipa bora kutokana na mchango wake ndani ya timu hiyo iliyomaliza nafasi ya tatu msimu uliopita wakati kiungo said Ndemla akichaguliwa kuwa kiungo bora chupukizi aliyeonyesha kiwango cha juu na kuisaidia timu hiyo kufanya vizuri katika mechi alizocheza.

Kikosi bora cha msimu VPL hiki hapa

Baada ya kila timu kucheza mechi 26,mtandao wa Goal umetangaza  kikosi bora cha wachezaji 11 na wale wa akiba kufuatia mchango wa wchezaji hao kwenye timu zao

LIGI ya Vodacom Tanzania bara msimu wa 2014/15 imemalizika Jumamosi ya Mei 9 huku klabu ya Yanga ikinyakua ubingwa huo kwa kuwavua ubingwa timu ya Azam FC ambayo ilikuwa bingwa kwa mara ya kwanza msimu uliopita tangu ilipoanza kushiriki ligi hiyo misimu nane iliyopita.
Jumla ya timu 14 zilishiriki Ligi hiyo iliyokuwa na msisimko mkubwa ukilinganisha na misimu mingine iliyopita na kushuhudiwa timu mbili zinazo milikiwa na Majeshi za Ruvu Shooting na Polisi Moro zikishuka daraja kucheza ligi raja la kwanza msimu ujao.
Baada ya kila timu kucheza mechi 26, mtandao wa Goal unakuletea kikosi bora cha wachezaji 11 na wale wa akiba kufuatia mchango wa wchezaji hao kwenye timu zao.

1.Ally Mustapha ‘Barthez’ (Yanga)
Huyu ni kipa aliyefungwa mabao machache kutika mechi nyingi alizoidakia Yanga msimu huu na kuipa ubingwa wa pili tangu alipojiunga nayo misimu mitatu iliyopita akitokea kwa mahasimu zao Simba.
Barthez anastaili kuwa kipa namba moja siyo tu kwa kufungwa mabao machache lakini hata uvumilivu wake kwenye kikosi cha Yanga baada ya kuwa kipa chaguo la tatu baada ya Deogratius Munishi ‘Dida’ na Juma Kaseja lakini alipambana hadi kurudishwa kuwa namba moja na kufanya kazi kubwa ikiwemo kwenye michuano ya kimataifa na kunawakati alicheza mechi nane za ligi ya Vodacom msimu huu bila kufungwa hata bao mojaa.

2.Hassan Ramadhan ‘Kessy’ (Simba)
Kessy ni kati ya mabeki anayestaili kuwepo kwenye kikosi bora cha msimu huu kutokana na mchango mkubwa alioutoa kwa klabu yake ya Simba licha ya kusajiliwa kwenye dirisha dogo akitokea Mtibwa Sugar ya Morogoro.
Sifa kubwa ya Kessy siyo kuzuia bali pia amechangia kwa kiasi kikubwa upatikanaji wa mabao ya Simba kupitia krosi zake ambazo mara nyingi zimekuwa na matunda zinapo wafikia washambuliaji wake kama Emmanuel Okwi au Ibrahim Ajibu.

3.Oscar Joshua (Yanga)
Pamoja na kutokuwa na uwezo wa kuuchezea mpira na kupiga chenga lakini Oscar ametoa mchango mkubwa kwenye ubingwa wa Yanga msimu huu.
Oscar aliyecheza mechi 21 za ligi ya Vodacom msimu huu amefanya kazi kubwa ya kuzuia na kupandisha mashambulizi mbele kwa kupiga krosi huku wakati mwingine washambuliaji wa timu pinzani wakishindwa kutumia upande wake kutokana na uchezaji wake wa kutumia nguvu nyingi , beki huyu aliweza kuonyesha kiwango cha juu kwenye mchezo wa marudiano dhidi ya Etoile du Sahel ya Tunisia kule Sousse wiki moja na nusu iliyopita.

4.Pascal Wawa (Azam FC)
Huyu ni beki mpya kwenye ligi ya Vodacom lakini mchango alioutoa kwa muda mfupi akiwa na klabu ya Azam unamfanya aingia kwenye kikosi hiki cha Goal msimu huu.
Pamoja na kushindwa kuisaidia Azam kutetea ubingwa wake lakini Wawa amefanya kazi kubwa kwenye kikosi hicho kwa kutumia uzoefu wake kuwadhibiti washambuliaji watukutu na hilo lilijionyesha kwenye michuano ya Ligi ya Mabingwa Afrika ambapo katika mchezo wa kwanza dhidi ya El Merreikh ya Sudan aliofanya kazi kubwa siku hiyo na kuokoa hatari nyingi.
5.Nadir Haroub ‘Cannavaro’ (Yanga)
Beki tegemeo wa klabu ya Yanga na timu ya taifa ya Tanzania ‘Taifa Stars’ amefanya kazi kubwa mno katika kuipigania timu yake msimu huu na kufanikiwa kuipa ubingwa wa 25.
Cannavaro mbali ya kujitolea kwa ajili ya Yanga lakini amekuwa akifanya jitihada kubwa za kupande mbele na kufunga mabao ambayo yameisaidia timu hiyo kutangaza ubingwa mapema kabla ya mechi mbili za mwisho.
6.Salum Telela (Yanga)
Licha ya kuandamwa na majeruhi ya mara kwa mara lakini Telela amekuwa na mchango mkubwa kwenye mafanikio ya klabu ya Yanga msimu huu kutokana na kazi yake kubwa aliyoifanya katika mechi chache alizoichezea klabu hiyo.
Kukosekana kwa Telela kwenye mchezo wa Kombe la Shirikisho dhidi ya Etoile du Sahel, kulionekana kuiangusha Yanga kwenye eneo la kiungo na kusababisha wapinzani kupenya mara kwa mara huku Hassan Dilunga akishindwa kuhimili vishindo vyao.

7.Simon Msuva (Yanga)
Msuva anaweza kuwa mchezaji bora wa Ligi Kuu msimu kwa jinsi alivyocheza kwa kiwango cha juu. Kwanza ameisaidia timu yake kuwa bingwa na pia ameibuka mfungaji bora wa ligi akiwa amefunga mabao 17.
Msuva alikuwa mmoja ya wachezaji wachache wanao ogopewa na timu pinzani na hiyo imechangia sana hata kupata timu ya kuichezea nchini Afrika Kusini kutokana na kiwango alichokuwa nacho kwa sasa licha makosa madogo madogo ambayo kunawakati yalimweka kwenye kipindi kigumu.

8. Haruna Niyonzima (Yanga)
Inasemekena ndiye kiungo aliyetoa pasi nyingi za mabao katika timu ya Yanga msimu huu. Kocha wake Hans Pluijm alikuwa akimchezesha kama winga wa kushoto na mara nyingine kiungo. Hata hivyo alimudu kucheza nafasi yake mpya ya winga na kushirikiana vizuri na wenzake jambo lililoisaidia sana timu hiyo kuweza kutoa vipigo kila mara katika michezo yake.

9.Amisssi Tambwe (Yanga)
Ukitaka mashabiki wa Simba wakuchukie litaje jina la Tambwe mbele yao kwani wanaijua shughuli yake na wamekuwa kila mara wakiulaumu uongozi wa timu yao kwa kumuacha mchezaji huyo mzuri. Tambwe alijiunga na Yanga wakati wa dirisha dogo akitokea Simba na katika kipindi hicho kifupi aliifungia Yanga mabao 13 kwenye ligi ya Vodacom na kumaliza nafasi ya pili nyuma ya mchezaji mwenzake wa Yanga Simon Msuva.
Tambwe ambaye ndiye mfungaji bora msimu uliopita akiifungia Simba mabao 19 ametoa mchango mkubwa kwa Yanga siyo tu kwenye ligi ya Vodacom bali hata kwenye michuano ya Kombe la Shirikisho ambapo amefunga mabao matatu yakiwemo yote mawili katika mchezo wa kwanza dhidi ya BDF XI ya Botswana na bao moja dhidi ya FC Platinum FC ya Zimbabwe.
10. Didier Kavumbagu (Azam)
Huyu ndiyo kinara wa mabao kwenye klabu ya Azam FC akiwa na mabao 10 huku ukiwa ndiyo msimu wake wa kwanza tangu ajiunge nayo akitokea Yanga.
Kavumbagu amekuwa na mchango mkubwa kwenye kikosi cha Azam na hata kufikia hatua uongozi wao kumungezea mkataba mpya wa kuendelea kuichezea timu hiyo msimu ujao

11.Emmanuel Okwi (Simba)
Nyota huyu ni mzee wa kubadili matokeo wakati wowote. Okwi anajiamini na ndiyo mchezaji ambaye amechangia kwa kiasi kikubwa Simba kumaliza ligi katika nafasi iliyopo kwa ajinsi anavyocheza kwa kujituma uwanjani.
Okwi amekuwa akiipatia ushindi timu yake hata pale inapokuwa katika wakati mgumu. Katika msimu huu alikuwa akikosekana Okwi timu ya Simba ilikuwa inayumba katika safu ya ushambuliaji.
Wachezaji wa Akiba
Aishi Manula (Azam)
Mbuyu Twite (Yanga)
Mudathir Yahaya (Azam)

Mrisho Ngassa (Yanga)
Raphael ALpha (Mbeya City)
Rashid Mandawa (Kagera Sugar)
Ibrahim Ajibu (Simba).

Kiongozi wa upinzani auawa Burundi

Maandamano Burundi

Kiongozi wa chama kidogo cha upinzani nchini Burundi ameuawa kwa kupigwa risasi.

Mwili wa Zedi Feruzi pamoja na wa mlinzi wake ulipatikana nje ya nyumba yake kwenye mji mkuu Bujumbura.

Maandamano Burundi

Mauaji ya mwanasiasa huyo yanafanyika wakati wanaharakati wa upinzani nchini humo wamesitisha kwa siku mbili maandamano yao dhidi ya rais Pierre Nkurunziza kupinga uamuzi wake wa kuwania urais muhula wa tatu.
Uamuzi huo ambao wengine wanasema kuwa unaenda kinyume na sheria umesababisha kuwepo kwa jaribio la kumpindua,maandamano ya wiki kadha na kuhama kwa zaidi ya watu 100,000 kutoka nchini humo.

Drogba aaga chelsea rasmi

Drogba

Mshambuliaji wa Chelsea Didier Drogba anaihama klabu hiyo kwa mara ya pili.

Mchezaji huyo mwenye umri wa miaka 37 alisajiliwa na klabu hiyo mwaka 2004 na amefunga mabao 164 katika mechi 381.
Ningependa kucheza tena kwa msimu mmoja zaidi na kwa hilo kufanikiwa itabidi nihamie kilabu nyengine aliuambia mtandao wa Chelsea.
Mkufunzi wa Chelsea Jose Mourinho alimsajili kwa mara ya pili Drogba kwa kandarasi ya mwaka mmoja baada ya kuondoka Galatasaray.

Simba yawaongezea mikataba Isihaka na Ndemla

Simba imezidi kukiimarisha kikosi chake cha msimu ujao baada ya kufanikiwa kuwaongezea mikataba wachezaji wawili Nahodha Hassan Isihaka na kiungo Said Ndemla

KAMATI ya Usajili ya klabu ya Simba, imezidi kukiimarisha kikosi chake cha msimu ujao baada ya kufanikiwa kuwaongezea mikataba wachezaji wawili Nahodha Hassan Isihaka na kiungo Said Ndemla.
Kamati hiyo ililazimika kusafiri hadi Afrika Kusini kuwafuata wachezaji hao waliopo nchini humo na kikosi cha timu ya taifa ya Tanzania ‘Taifa Stars’ inayoshiriki michuano ya COSAFA, na kuwasainisha mikataba hiyo ya miaka mitatu kila mmoja.
Baada ya kufanikisha zoezi hilo Mwenyekiti wa Kamati hiyo ya usajili Zacharia Hans Poppe, ameiambia ukomboz  kuwa kocha wao Goran Kopunovic, ndiye aliyependekeza wachezaji hao kupewa miakataba mipya vaada ya kuvutiwa na kazi yao msimu uliopita.
“Unajua Kopunovic ndiye kocha tutakaye endelea naye msimu ujao na kabla hajaondoka kwenya mapumziko alituambie kuhakikisha wachezaji hawa tunawapa mikataba baada ya kuridhika na utendaji wao wa kazi na sisi tukaona nivyema tukatimiza maombi yake,”amesema Hans poppe.
Poppe amesema baada ya kumalizana na nyota hao kwa sasa wanageukia kwa wachezaji wengine ambao wangependa kuendelea nao msimu ujao akiwemo winga msumbufu Ramadhan Sinagano ‘Messi” ambaye hivi karibuni alikata dau la Tsh. Milioni 30, alizopewa na uongozi wa timu hiyo ili aongeze mkataba mpya huku yeye mwenyewe akitaha apewe Tsh Milioni 50 kama ilivyokuwa kwa kiungo Jonas Mkude aliyesaini mkataba mpya kwa Tsh. Milioni 60 desemba 2014.

Mbeligiji wa Simba atimkia Mtibwa Sugar

Piet de Mol akisaini mkataba wa kuifundisha timu hiyo atasaidiwa na Meck Mexime aliyeifundisha timu hiyo kwa misimu mitatu

KOCHA Mbelgiji Piet de Mol amewasili Dar es Salaam leo na kupokewa na Mkurugenzi wa klabu ya mtibwa Sugar Jamal Bayser, ambaye watafanya mazungumzo kabla ya kusaini mkataba wa kuifundisha timu hiyo na kumfanya kocha aliyeifundisha timu hiyo kwa misimu mitatu Mecky Maxime kuwa msaidizi wake
Piet de Mol alikuja Tanzania maalumu kwa ajili ya kuifundisha klabu ya Simba ambayo ilikuwa ikitafuta mrithi wa kocha wake aliyehitaji kiasi kikubwa cha fedha Goran Kopunovic, ambaye baadaye Mserbia huyo alikubali na kiasi cha pesa alichoahidiwa na uongozi wa Simba na kukubali kurudi kuifundisha Simba msimu ujao.
Kocha huyo mwenye miaka 60 ana uzoefu mkubwa wa kufundisha soka Afrika, Asia na Ulaya anaweza kuibadilisha timu hiyo ambayo ilikuwa na msimu mbaya uliopita licha ya kuanza vizuri kwa kuongoza ligi ya Vodacom kwa kuongoza kwa muda mrefu.
Kopunovic alitaka dola za Kimarekani 50,000 sawa na Sh. Milioni 100 kama dau la kusaini Mkataba na dola 8,000 Sh. Milioni 16.

Mtihani kumpata Mchezaji bora wa msimu Tanzania

Baada ya Ligi Kuu kufikia tamati je nani ni mchezaji bora kwa msimu huu?

MSIMU wa 2014/15 wa Ligi Kuu ya Vodacom Tanzania Bara (VPL) ulimalizika Mei 9 huku Ruvu Shooting Stars ikiungana na Police Morogoro kuporomoka daraja.
Mshambuliaji hatari wa Yanga, Simon Msuva, amejihakikishia kutwaa tuzo ya kiatu cha dhahabu cha mfungaji bora wa msimu akifunga mabao 17 ikiwa ni sawa na idadi ya mabao ambayo mfungaji bora wa VPL msimu wa 2012/13, Kipre Tchetche wa Azam FC alifunga.
Bado haijajulikana timu itakayotwaa zawadi ya timu yenye nidhamu na wanasoka watakaokabidhiwa tuzo ya kocha bora, kipa bora, mchezaji bora na refa bora wa VPL 2014/15, lakini katika kipengele cha mchezaji bora vita inaonekana wazi kuwahusisha Emmanuel Okwi wa Simba, Simon Msuva wa Yanga na Shomari Kapombe wa Azam FC.
Wakali wengine wenye fursa ya kuwania tuzo hii ni pamoja na kiungo fundi wa Coastal Union, Joseph Mahundi, Jacob Masawe wa Ndanda FC na Rafael Alpha wa Mbeya City na Rashid Mandawa wa Kagera Sugar.
EMMANUEL OKWI - SIMBA
Mganda huyu amekuwa na mchango mkubwa katika kikosi cha Wananamsimbazi tangu arejee msimu huu akitokea kwa wapinzani wa jadi, Yanga.
Okwi alipokosekana uwanjani, kikosi cha Simba ama kiliambulia sare au kipigo. Hakuwapo uwanjani wakati Simba ikilala 1-0 dhidi ya Kagera Sugar jijini Dar es Salaam mzunguko wa kwanza na katika kipigo cha 2-0 dhidi ya Mbeya City jijini Mbeya mzunguko wa pili.
Nyota huyo wa timu ya taifa ya Uganda (Cranes), amefunga mabao 10 msimu huu ikiwa ni saba nyuma ya kinara Msuva, lakini mabao ya Okwi yalikuwa na maana kubwa katika timu yake.
Alifunga magoli magumu katika mechi ambazo Simba ilionekana kuambulia sare au kupoteza mchezo. Mfano, bao lake katika sare ya 1-1 ugenini jijini Mbeya dhidi ya Tanzania Prisons na mabao yake yaliyoipa Simba ushindi wa 1-0 dhidi ya Yanga na ushindi wa aina hiyo dhidi ya Mtibwa pamoja na 'hat-trick' yake iliyoachangia ushindi wa mabao 4-0 dhidi ya Mgambo Shooting.
Okwi, mchezaji wa zamani wa SC Villa ya Uganda na Etoile Sportive du Sahel (ESS) ya Ligi Kuu ya Tunisia, amekuwa nguzo muhimu kwa kikosi cha Mserbia Goran Kopunovic cha Simba akitengeneza mabao mengi ya washambuliaji Ibrahim Ajibu na Elias Maguli.
Hata bao la mshambuliaji Mrundi Amissi Tambwe wa Yanga lililoipa Simba sare ya 2-2 dhidi ya Coastal Union jijini Dar es Salaam Septemba 21 lilitokana na pasi murua ya Mganda huyo.
Kwa kifupi, ukiondoa magoli yote yaliyofungwa na Okwi msimu huu, Simba inakuwa miongoni mwa timu mbili ambazo zingeporomoka daraja. Achilia mbali pasi zake za magoli.
Jambo ambalo linaweza kumwangusha Okwi katika mbio za kumsaka mchezaji bora wa msimu ni kwamba hajawahi kutwaa tuzo ya mchezaji bora wa mwezi wa VPL msimu huu, ikiwa Bodi ya Ligi Kuu Tanzania (TPLB) itazingatia kigezo hicho.
SHOMARI KAPOMBE - AZAM FC
Hajabahatika kutwaa tuzo ya mchezaji bora wa mwezi msimu huu sawa na Okwi wa Simba, jambo ambalo linaweza kumwangusha katika kinyang'anyiro hiki, lakini Kapombe amekuwa nguzo muhimu katika kikosi cha Azam.
Amefunga bao moja tu msimu huu, lakini amekuwa mpishi mzuri kwa magoli ya Mrundi Didier Kavumbagu na wakali wengine wa Azam FC msimu huu. Kapombe amekuwa akitumiwa na Azam katika nafasi ya beki wa pembeni huku akilazimika kucheza nafasi ya beki wa kati kutokana na kuumia kwa Aggrey Morris na Pascal Wawa.
Kapombe pia ni miongoni mwa wachezji wachache waliocheza mechi nyingi zaidi msimu huu, Wengine ni pamoja na Masawe wa Ndanda FC, Msuva wa Yanga, Busungu wa Mgambo, kipa Said Mohamed, beki wa pembeni kushoto David Luhende na beki wa kati Salim Mbonde (wote wa Mtibwa Sugar).
Azam kumaliza nafasi ya pili VPL msimu huu kunampa nafasi kubwa Kapombe kutwaa tuzo ya mchezaji bora wa msimu kutokana na mchango wake mkubwa katika kuimarisha safu ya ulinzi ya Wanalambalamba na kupika mabao.
Msimu huu Azam FC imefungwa mabao 18 sawa na Yanga, Azam pia imefunga mabao 36, mawili nyuma ya Simba na 16 nyuma ya Yanga.
SIMON MSUVA - YANGA
Majaribio ya kucheza soka la kulipwa ughaibuni aliyokuwa akiyafanya Afrika Kusini yamesababisha akose mechi mbili za mwisho na kutoifikia rekodi ya Tambwe ya msimu wa 2013/14 ya kufunga mabao 19 huku Msuva akionekana dhahiri kuchangia timu yake ya Yanga kuambulia vipigo vya 2-1 dhidi ya Azam FC na 1-0 dhidi ya Ndanda FC.
Karibu makocha na wachambuzi wote walioanika vikosi vyao vya VPL 2014/15 wamemjumuisha kikosini winga huyo wa zamani wa Moro United.
Mabao yake 17 na pasi za mwisho zilizozaa mabao ya Tambwe na wakali wengine katika kikosi cha Mdachi Hans van der Pluijm, yanambeba kutwaa tuzo ya mchezaji bora wa VPL.
Msuva alifunga mabao katika mechi ambazo Yanga ambazo Yanga ilionekana ama kuambulia sare ama kufungwa. Mfano mabao yake matatu katika mechi zao mbili dhidi ya Mgambo Shooting.
Kutotwaa tuzo ya mchezaji bora wa mwezi kunaweza kumfanya Msuva aungane na kina Okwi na Kapombe kutoingizwa katika orodha ya wachezaji wanaowania tuzo hiyo licha ya kuipa Yanga taji la 25 la Tanzania Bara.
RASHID MANDAWA - KAGERA SUGAR
Alitwaa tuzo ya mchezaji bora wa mwezi Novemba wa VPL. Ni miongoni mwa washambuliaji wanne wa kati hatari kutoka Tanzania kwa sasa. Wengine ni Mbwana Samatta wa TP Mazembe, Amour Omar Janja wa JKU, Juma Liuzio wa Zesco.
Mandawa amefunga mabao 10 msimu huu na kukisaidia kikosi cha Mganda Jackson Mayanja cha Kagera Sugar kumaliza nafasi ya sita katika msimamo wa ligi.
Kutwaa tuzo ya mchezaji bora wa mwezi msimu huu na uwezo mkubwa aliounyesha katika kufunga mabao, kunambeba Mandawa kutwaa tuzo hiyo ingawa anakabiliwa na ushindani mkubwa kutoka kwa wakali wengine waliowahi kuitwaa tuzo hiyo, hasa kiungo fundi Joseph Mahundi wa Coastal iliyomaliza nafasi ya tano.
JACOB MASAWE - NDANDA FC
Siku tano kabla ya kuanza kwa msimu huu, niliandika katika gazeti hili kwamba Masawe ataibena Ndanda FC. Katika makala hiyo ya wasifu iliyokuwa na kichwa cha habari kilichosomeka: Jacob Masawe: Mchezaji Bora atakayeibeba Ndanda VPL, nilieleza namna kiungo huyo mshambuliaji alivyo hatari kwa timu pinzani.
Masawe, mdogo wake na kocha msaidizi wa Stand United, Emmanuel Masawe, alitwaa tuzo ya mchezaji bora wa VPL msimu wa 2011/12 akiwa na Toto Africans ya Mwanza baada ya kucheza mechi zote za ligi, tena akiweka rekodi ya kutoonyeshwa kadi hata moja.
Msimu huu mchezaji huyo ameweka rekodi nyingine ya ajabu; kila akifunga bao timu yake inaibuka na ushindi katika mechi husika. Amefunga mabao matano na katika mechi zote tano kikosi cha meja mstaafu Abdul Mingange kilifanikiwa kuchukua pointi 15.
Mchezaji mwingine aliyekuwa na nyota hiyo ni Ramadhani Singano 'Messi' wa Simba, lakini hatutamzungumzia zaidi leo kutokana na kutokuwa na nafasi ya kuingia katika orodha ya wakali wanaowania tuzo ya mchezaji bora wa VPL 2014/15.
Masawe alifunga katika ushindi wa 1-0 dhidi ya Azam FC mjini Mtwara Novemba Mosi 2014, akafunga katika ushindi wa 1-0 dhidi ya Prisons jijini Mbeya Januari 4, 2015, akatupia katika ushindi wa 1-0 dhidi ya Coastal Union mjini Mtwara Februari 21, 2015 na akatikisa nyavu katika ushindi wa 2-1 dhidi ya Ruvu Shooting mkoani Pwani Machi 4.
Ndanda FC imekusanya pointi 31 katika mechi zote 26 msimu huu. Pointi 15 zote zinatoka na Masawe aliyefunga mabao ya ushindi katika mechi hizo. Achilia mbali mabao mengine aliyopika.
Kinachoweza kumwangusha Masawe katika kinyang'anyiro cha mchezaji bora wa VPL msimu huu ni kutokana na timu yake kumaliza nafasi ya 10 msimu katika msimamo wa ligi na hakuwahi kutwaa taji la mchezaji bora wa mwezi ikiwa TPLB ikiamua kumteua mmoja wa waliowahi kutwaa tuzo hiyo kuwa mchezaji bora wa msimu.
Msimu uliopita tuzo hiyo ilitua kwa mshambuliaji Kipre Tchetche wa Azam FC wakati msimu wa 2012/13 ilitua kwa beki wa kati wa Yanga, Kelvin Yondani.
Wachezaji waliotwaa tuzo ya mchezaji bora wa mwezi msimu wa 2014/15 ni:-

Jina                                        Timu                 Mwezi
Antony Matogolo -          Mbeya City      Sept
Salum Abubakar             Azam FC        Oktoba
Rashid Mandawa            Kagera           Novemba
Joseph Mahundi             Coastal          Desemba
Said Bahanunzi              Police             Januari
Godfrey Wambura          Coastal          Febr
James Mwasote             Police             Machi
Mrisho Ngassa               Yanga            Aprili