Ban Ki Moon apongeza makubaliano ya kutafutia suluhu mzozo wa Sudan Kusini

Katibu Mkuu wa Umoja wa Mataifa Ban Ki-moon

Katibu Mkuu wa Umoja wa Mataifa, Ban Ki-Moon, amekaribisha kutiwa saini kwa makubaliano ya kupatia suluhu mzozo wa Sudan Kusini, ambayo yalifanyika mjini Addis Ababa kati ya Rais Salva Kiir na makamu wake wa zamani, Riek Machar.

Kwa mujibu wa taarifa iliyotolewa na msemaji wake, Ban amezitaka pande hizo mbili zinazozozana kuyafanya makubaliano hayo yawe vitendo mara moja, hususan kusitisha uhasama wote.

Katibu Mkuu ameipongenza IGAD, hususan mwenyekiti wake, ambaye ni Bwana Hailemariam Desalegn, Waziri Mkuu wa Ethiopia, kwa juhudi zake zinazoendelea za upatanishi na kutafuta suluhu la amani kwa mzozo huo. Amerejelea pia ahadi yake ya mshikamano wa Umoja wa Mataifa na watu wa Sudan Kusini.