Memphis Depay amekamilisha uhamisho wake kuelekea Man U

Winga Memphis Depay amekamilisha uhamisho wake wa pauni milioni 31 kutoka PSV Eindhoven kwenda Manchester United. Mchezaji huyo 21, amesaini mkataba wa miaka minne wenye uwezo wa kuongezwa hadi mitano. "Hii ni ndoto ambayo imekuwa kweli kwangu, ni ukurasa mpya maishani mwangu" amesema Depay. Meneja wa United Louis van Gaal amesema mchezaji huyo wa kimataifa wa Uholanzi ana nafasi ya kuwa "mchezaji mkubwa katika klabu hii".